“Sahibkarlığın inkişafına dövlət dəstəyi” mövzusunda görüş keçirilib.

İqtisadiyyat Nazirliyinin Sahibkarlığın İnkişafı Fondunun (SİF) və Qobustan Rayon İcra Hakimiyyətinin birgə təşkilatçılığı ilə “Sahibkarlığın inkişafına dövlət dəstəyi” mövzusunda görüş keçirilib.

Görüşdə Sahibkarlığın İnkişafı Fondunun və Kiçik və Orta Biznesin İnkişafı Agentliyinin nümayəndələri sahibkarlara maliyyə resurslarına çıxış imkanları, həmçinin dövlətin dəstək mexanizmləri barədə məlumat verib. O cümlədən, SİF-in güzəştli kreditlərinin şərtləri və müraciət prosesi izah edilib. Bununla yanaşı, biznes subyektlərinin çətinlikləri öyrənilib, sahibkarların təklifləri dinlənilib.