Azərbaycan Respublikası Sahibkarlığın İnkişafı Fondu "Hüquq və problemli aktivlərlə iş şöbəsinin müdiri" vəzifəsi üzrə vakansiya elan edir:

Vəzifə öhdəlikləri:

• Fondun fəaliyyətinin müvafiq qanunvericiliyə uyğunluğunu təmin etmək;
• Hazırlanmış hüquqi aktların, o cümlədən normativ hüquqi aktların, normativ xarakterli aktların, beynəlxalq müqavilələrin layihələrinin ekspertizasının həyata keçirilməsini təşkil etmək;
• Fondun fəaliyyətini tənzimləyən normativ hüquqi aktların layihələrinin hazırlanmasını təşkil etmək və həmin layihələrin aidiyyəti normayaratma orqanları ilə razılaşdırılmasını təmin etmək;
• Əsasnamə, qayda, təlimat, protokol,  əmr və hüquqi rəy tələb olunan digər sənədlərin qanunvericiliyə uyğunluğunu təmin etmək;
• Məhkəmələrdə, hüquq mühafizə orqanları, dövlət qurumlarında müvafiq icraatlar üzrə Fondun maraqlarını təmsil etmək;
• Məhkəmə və icraat işlərinin hüquqi təminatına nəzarəti həyata keçirmək;
• Dövlət orqanları və digər tərəfdaşlarla hüquqi əlaqələri koordinasiya etmək;
• Hüquqi risklərin müəyyən edilməsi və idarə olunması üçün strategiyalar hazırlamaq;
• Fondun fəaliyyətində funksional və təşkilati sahələr üzrə kollegial qərarların qəbul edilməsində (komitələrin, komssiyaların işində) iştirak etmək;
• Şöbənin fəaliyyətinə rəhbərlik etmək və işlərin effektiv təşkilini təmin etmək;
• Şöbə əməkdaşlarının fəaliyyətini nəzarətdə saxlamaq, onların peşəkar inkişafını təmin etmək və tapşırıqların icrasını yönləndirmək;
• Fəaliyyəti ilə əlaqədar əldə etdiyi xüsusi məlumatların məxfiliyini təmin etmək.

Namizədə dair tələblər:

• Təhsil: Hüquqşünaslıq ixtisası üzrə ali təhsil.
• İş təcrübəsi: Müvafiq sahə üzrə azı 5 il iş təcrübəsi (rəhbər vəzifədə təcrübə üstünlükdür).
• Texniki bacarıqlar: MS Office proqramları ilə yüksək səviyyədə işləmə bacarığı.

       

Bilik və bacarıqlar:

• Azərbaycan Respublikasının qanunvericiliyi üzrə dərin biliklər;
• Mülki hüquq (korporativ, müqavilə hüququ və s.), əmək hüququ, bank, kredit və sahibkarlıq fəaliyyətini tənzimləyən qanunvericilik aktları, habelə, mülki, cinayət prosessual qanunvericiliyi üzrə biliklər;
• Analitik düşünmə, hüquqi analiz və strateji idarəetmə bacarıqları;
• Yüksək səviyyədə ünsiyyət, liderlik,problem həll etmə və işdə dəqiqlik, detallara fikir vermə bacarıqları;
• Azərbaycan dilində mükəmməl danışıq və yazı bacarığı (ingilis və rus dili bilikləri üstünlükdür).

 

Vakansiyaya müraciət etmək istəyən namizədlər hr@edf.gov.az ünvanına CV göndərə bilərlər. Məktubun mövzu sətrində “Hüquq və problemli aktivlərlə iş şöbəsinin müdiri” qeyd olunmalıdır.

Son müraciət tarixi: 20.12.2024