Azərbaycan Biznesinin İnkişafı Fondunun Sahibkarlığın inkişafı departamenti üzrə “Maliyyə və uçot şöbəsinin mütəxəssisi” vəzifəsi üçün vakansiya elan edilir:

Vəzifə öhdəlikləri:

• İşçilərin aylıq əməkhaqqının, gəlir vergisi və sosial ayırmalarının hesablanması;
• Məzuniyyət haqqının, xəstəlik vərəqəsi üzrə ödəmələrin, mükafatların və son haqq-hesab ödənişlərinin hesablanması və ödənişi;
• DSMF tərəfindən ödənilən müavinətlərin dövlət elektron sistemində işlənməsi;
• Vahid rüblük bəyannamənin hazırlanması və təqdim olunması;
• İşçilər üçün bank kartlarının sifarişi və əməkhaqqı kartları ilə bağlı problemlərin həllinə dəstək;
• İşçilərin əməkhaqqı ilə bağlı suallarının vaxtlı-vaxtında cavablandırılması
• Əməkhaqqı ilə bağlı Vergilər Nazirliyi və Dövlət Statistika Komitəsi tərəfindən tələb olunan məlumatların hazırlanması və sualların cavabalandırılması;
• Ezamiyyətdə olan təhtəlhesab şəxslər tərəfindən təqdim edilmiş avans hesabatlarının və sənədlərin düzgünlüyünü yoxlamaq və ödənişini təmin etmək.

Namizədə dair tələblər:

• Maliyyə, iqtisadiyyat və bank işi sahəsində ali təhsil; 
• İqtisadi və maliyyə biliklərinin olması;
• Komandada işləmək, kommunikasiya və təqdimetmə bacarığı;
• Operativ və düzgün qərar vermək bacarığı;
• Təşəbbüskarlıq, diqqətlilik və məsuliyyətli olmaq;
• Maliyyə və mühasibatlıq sahəsində sertifikatının olması arzuolunandır;
• MS Office (xüsusi ilə Excel) proqramlarından istifadə bacarığı.

Tələb olunan göstəricilərə malik olan namizədlər öz CV-lərini mövzu hissəsində “Maliyyə və uçot şöbəsinin mütəxəssisi” qeyd etməklə hr@abdf.gov.az e-mail ünvanına göndərə bilərlər.

Son müraciət tarixi: 08.06.2025