Azərbaycan Respublikası Sahibkarlığın İnkişafı Fondu "Daxili audit şöbəsinin aparıcı mütəxəssisi" vəzifəsi üzrə vakansiya elan edir.

Vəzifə öhdəlikləri:

• Fondun struktur bölmələrində daxili auditin keçirilməsi üzrə illik plan - qrafikin hazırlanmasında iştirak etmək;
• Fondun struktur bölmələrinin daxili audit planının (proqramının) hazırlamasında, yoxlanılacaq işlərin həcminin və sənədlərin təyin edilməsində iştirak etmək;
• Fondun struktur bölmələrinin auditini təşkil etmək və audit zamanı aşkar edilmiş uyğunsuzluqları və çatışmazlıqları təfsilatlı şəkildə əks etdirən hesabatlar hazırlamaq;
• Müxtəlif fəaliyyət və əməliyyatların uyğunluğunu təmin etmək üçün müvafiq normativ hüquqi aktlara və Fondun daxili qaydalarına riayət olunmasını yoxlamaq;
• Daxili auditin keçirildiyi struktur bölməyə tövsiyə olunan tədbirlər planının hazırlanmasına və tədbirlərin icrasına nəzarəti həyata keçirmək;
• Daxili audit xidmətinin təşkili və həyata keçirilməsi məsələləri ilə bağlı Fondun normativ və digər aktlarının işlənib hazırlanmasında iştirak etmək;
• Kənar auditorların müvafiq maliyyə və əməliyyat qeydlərinə çıxışını təmin etmək;
• Kənar auditorlardan daxil olmuş sorğulara operativ və dəqiq cavab vermək;
• Kənar auditor tərəfindən təklif olunan tədbirlər və tövsiyələr əsasında fəaliyyət planları hazırlamaq;
• Şöbənin iş planının, fəaliyyəti ilə bağlı hesabatların dövrlər üzrə hazırlanmasında iştirak etmək;
• Fəaliyyəti ilə əlaqədar əldə etdiyi xüsusi məlumatların məxfiliyini təmin etmək.

Namizədə dair tələblər:

• Təhsil: İqtisadiyyat, Maliyyə, Hüquq və ya əlaqəli sahələr üzrə ali təhsil;
• İş təcrübəsi: Audit, maliyyə və ya əlaqəli sahə üzrə azı 1 il iş təcrübəsi;
• Texniki bacarıqlar: MS Office proqramlarında yüksək səviyyədə işləmə bacarığı.
• Bilik və bacarıqlar:

         Təhliletmə və araşdırma bacarığı;

         Güclü ünsiyyət və komandada işləmə bacarıqları;

         Azərbaycan dilində səlis danışıq və yazı bacarığı (ingilis və rus dili bilikləri üstünlükdür).

Vakansiyaya müraciət etmək istəyən namizədlər hr@edf.gov.az ünvanına CV göndərə bilərlər. Məktubun mövzu sətrində “Daxili audit şöbəsinin aparıcı mütəxəssisi” qeyd olunmalıdır.

Son müraciət tarixi: 15.12.2024