İqtisadiyyatı güclü olan dövlət hər şeyə qadirdir!
XƏBƏRLƏR
30.09.2022 / Görüşlər
Sahibkarlığın İnkişafı Fondu ilə Bərpa Olunan Enerji Mənbələri Dövlət Agentliyi arasında görüş keçirilib

Sahibkarlığın İnkişafı Fondu ilə Bərpa Olunan Enerji Mənbələri Dövlət Agentliyi arasında görüş keçirilib. Görüşün əsas məqsədi yaşıl enerjinin maliyyələşdirilməsində birgə əməkdaşlıq imkanlarının müzakirəsi olub.

Yaşıl enerji sahəsində fəaliyyət göstərən biznes subyektlərinin maliyyə əlçatanlığı ilə bağlı cari vəziyyət və  güzəştli kreditlərdən  istifadənin bu sektordakı stimullaşdırıcı rolu təhlil edilib. Bildirilib ki, güzəştli kreditlərin verilməsində iqtisadiyyatın sahələri üzrə müəyyən edilmiş prioritet istiqamətlərdən biri də bərpa olunan enerji yönümlü layihələrdir.

Görüşün sonunda gələcək əməkdaşlıq imkanları ilə bağlı mexanizm təklifləri dinlənilib.